Ресейдегі мұнай мен газға тәуелділік: АҚШ пен ЕО бірлескен жоспар әзірледі

АҚШ президенті Джозеф Байден Ресейді Украинадағы орыс соғысын өршіту үшін пайдаланылатын энергияны сатудан түскен кірістерден айыруға бағытталған жаңа бастама жариялады, деп хабарлайды Bugin.kz порталы CNN-ге сілтеме жасап.

Брюссельде Еурокомиссия төрағасы Урсула фон дер Лейенмен сөйлескен сөзінде Байден Ресей мұнай мен газ жеткізуде өзінің «көршілерін мәжбүрлеп, түрлі айла-шарғы жасап» жатқанын айтты.

Байден АҚШ Еуропаның ресейлік мұнай мен газға тәуелділігін азайту үшін жұмыс жасайтынын және континенттің алдағы екі қыста жеткілікті энергиямен қамтамасыз етілуіне көмектесетінін жеткізді.

- «Соңғы онжылдықта салынған газ жеткізу тізбегін және инфрақұрылымды реттеуге біраз уақыт қажет. Сондықтан біз Еуропадағы халықтың қыстан аман есен өтетініне көз жеткізуіміз керек. Біз бір жылға инфрақұрылым жасаймыз. Әртараптандырылған, тұрақты және таза энергетикалық болашақты құрамыз» - деді Байден.

Байден мен фон дер Лейен Еуропаға ресейлік мұнай мен газға тәуелділіктен арылуға көмектесетін бірлескен жұмыс тобын құратынын хабарлады. Бұл топ СКГ-ның балама көздерін іздестіру және болашақта табиғи газға сұранысты азайту үшін жұмыс істейтін болады.

- «Мен ресейлік газдан бас тарту Еуропаға қымбатқа түсетінін білемін. Бірақ бұл моральдық тұрғыдан ғана емес, біздің стратегиялық ұстанымдарымызды да нығайтады», - деді Байден.

АҚШ басқа елдермен серіктестікте 2022 жылы Еуропаға кемінде 15 миллиард текше метр сұйытылған табиғи газ жеткізуге тырысады. Сондай-ақ топ метан шығарындыларын және таза энергияны пайдалану арқылы парниктік газдар шығарындыларын азайту бойынша жұмыс істейді.

Байден әкімшілігінің шенеуніктері 15 миллиард текше метр сұйытылған табиғи газ Америка Құрама Штаттары мен Азиядан келетінін атап өтті.